Anishinaabek once lived a nomadic life where they moved from place to place.  People moved every three to four months to replenish the land, following the birds and animals in season. The animals and fish are friends, they sacrifice themselves to us for food, tools, and clothing.  The land provides tools for us to use and to recognize the habitats and landmarks of nature. The sun is Manitou as it gives us life. We give respect to those who lived before us by not mentioning their names instead we use pronouns to acknowledge loved ones.

ᐁᑲᐧ ᐅᐁᐧ ᑲᐅᔑᐱᐃᑲᑌᐠ ᑲᒥᓱᓇᐱᐃᑲᑌᐠ ᐊᐁᐧᑎ ᑲᑭᐅᓯᐱᐊᐠ ᐅᓴᐊᐧᐱᑯᐱᓀᓯ ᐃᐦᐃ ᑲᐸᐸᒪᑯᓯᓇᓂᐊᐧᐠ᙮ ᐁᐧᐡᑲᐨ ᑭᐸᐸᒪᑯᓯᐊᐧᐠ ᐃᐊᐠ ᐊᓂᔑᓂᓂᐊᐧᐠ ᐊᐣᑕ ᐱᑯ ᑭᐸᐃᔕᐊᐧᐠ, ᑭᐸᐸᐃᐣᑕᐊᐧᐠ ᐃᒪ ᑲᐃᔑᑕᔑᑫᐊᐧᐨ᙮ ᐁᑲᐧ ᐃᐡᑫ ᓇᓂᑕ ᑭᒪᒋᑯᓯᐊᐧᐠ ᑭᐡᐱᐣ ᐊᐱᐣ ᑲᑕᑯᔑᓄᐊᐧᐨ ᔑᔑᐸᐠ ᑲᔦ ᑭᓄᓭᐠ ᑲᑕᑯᔑᓄᐊᐧᐨ ᒥᐦᐃᒪ ᐊᐸᐣ ᐁ ᐃᔕᓄᐊᐧᐠ ᒥᐃᒪᐸᐣ ᐁᐃᐣᑕᐤ ᐃᐧᓯᓂᐊᐧᐨ ᐁᑲᐧ ᒥᓇ ᑲᓂᐱᐣᐠ ᐃᐃᐠ ᑭᐃᔕᐊᐧᐠ ᓂᑭᑊ ᐃᔑᓂᑲᑌ ᓂᓇᐃᐧᐣᐟ ᑲᐃᔑᑕᔭᐠ ᒥᐃᒪ ᑲᐃᔕᐊᐧᐨ ᐁᑲᐧᓯᐨ ᐊᐦᐊ ᓇᒣ ᒥᐃᒪ ᒣᑲᐧᐨ ᐊᐱᐣ ᐃᔑ ᐸᐦᑭᑌᐃᐧᐊᐧᐨ᙮ ᑲᐃᐧᓂᐣ ᑫᑯᐣ ᑐᐣᒋ ᐃᐊᐠ ᐃᐦᐃ ᐊᓴᑊ ᓇᐣᑕ ᑲᔦ ᑲᐧᐡᑫᐧᐱᒋᑲᐣ ᑲᐃᐧᐣ ᑫᑯᐣ ᑐᒋ ᐊᔭᐠ᙮ ᐊᓂᔑᓂᓂᐊᐧᐠ ᓴᐱᑯ ᐅᑭ ᐅᓯᑐᓇᐊᐧ ᑫᑯᓂᓂ ᐁᐃᐧᔭᐸᒋᑐᐊᐧᐨ ᐃᐡᑫ ᐃᐁᐧ ᐃᐧᑲᐧᓯᒋᒪᐣ ᐊᓂᔑᓂᓂᐊᐧᐠ ᐱᑯ ᐅᑭᐅᓯᑐᓇᐊᐧ ᒋᐊᔭᐠ ᐅᐁᐧ ᐃᐧᑲᐧᓯᒋᒪᐣ ᐁᑲᐧ ᐁᓇᓇᐣᑕᐤ ᑭᓄᓭᐊᐧᐨ ᑲᐃᓂᐣ ᐃᑯ ᒥᓇ ᑭ ᐊᓴᑊ ᐅᒋᐊᓯᐣ ᓄᐣᑯᒼ ᑕᐃᐧᐣ ᑲᐃᓯᓇᑲᐧᑭᐣ ᑫᑯᓇᐣ᙮ ᑲᐃᐧᐣ ᑐᐣᒋ ᐃᔑᓇᑲᐧᐠ ᐃᐁᐧ ᐁᑲᐧ ᒧᓴᐠ ᑭᐊᐦᐯᓂᒧᐊᐧᐠ ᐅᑐᑌᒥᐊᐧᐣ ᐊᔭᐣ ᒪᐦᑲᐧᐣ ᓇᐣᑕ ᑲᔦ ᑲᐸᐸᒥᓭᐊᐧᐨ ᐊᐃᔭᐧᐠ ᑲᐱᒥᑯᒋᓂᐊᐧᐨ ᔑᔑᐸᐠ ᓇᐣᑕ ᑲᔦ ᑲᑲᑭᐊᐧᐠ᙮ ᒥᐊᐁᐧᓂᐊᐧᐣ ᑲᐱᓂᔓᐦᐊᐊᐧᐨ ᑲᐊᔓᐊᐧᐱᒪᐊᐧᐨ ᒋᐅᒋ ᑭᑭᓄᐦᐊᒪᑯᐊᐧᐨ ᐊᐣᑎ ᑫᐃᓴᐊᐧᐨ ᐁᑲᐧ ᒥᑕᐢ ᐱᑯ ᑲᐃᓯ ᐸᐸᒥᑯᓯᓇᓂᐊᐧᐠ ᐃᐧᒋᐧᐊᐧᑲᓇᐣ ᓇᐣᑕ ᐁᐃᐧᒋᐊᐧᐨ ᓇᐣᑕ ᑲᔦ ᐅᒋᒐᓂᔕᐣ ᐁᐃᐧᒋᐊᐧᐨ᙮  ᐊᐣᑕ ᐱᑯ ᑭᐸᐸᐃᔑᑯᓯᓇᓂᐊᐧᐣ᙮ ᑲᐃᐧᓂᐣ ᐱᑯ ᐯᔓᐨ ᒥᓇ ᓇᐣᑕ ᐁᐡᑲᒼ ᓂᓴᐧ ᑭᓂᐸᓂᐊᐧᐣ ᒥᓂᑯᐠ ᑫᑕᑯᓯᓇᓂᐊᐧᐠ ᑲᐃᓴᓂᐊᐧᐠ ᐁᑲᐧ ᒥᓇ ᒋᑲᑫᐣᑕᒥᐠ ᑲᐃᐧᓂᐣ ᑫᑯᐣ ᑕᑲᓯᒋᑲᐣ ᑭᐅᒋᔭᓯᓄᐣ ᐁᑲᐧ ᑭᐸᓯᒣᓇᓂᐊᐧᐣ ᑭᐸᓯᒣᐊᐧᐠ ᓇᐣᑕ ᑭᓄᓭᐣ ᐁᐸᓯᒣᐊᐧᐨ ᓇᐣᑕ ᐁᑲᐢᑯᓴᐊᐧᐨ ᐁᑲᐧᐸᐣ ᐁᐸᑌᐤᓯᐨ ᒥᐁᐧ ᑯᓀᐡ ᐱᒥ ᐊᐱᒋᐊᑲᓄᐃᐧᐨ ᐁᒪᐧᑲᓂᐃᐧᐨ ᐁᑲ ᑲᐅᓴᐊᐧᐱᓯᐣᐨ ᒥᐁᐧ ᑲᑐᑕᒧᐊᐧᐨ ᐊᓂᔑᓂᓂᐊᐧᐠ ᐁᐧᐡᑲᐨ ᐊᒥᐁᐧ ᑲᑎᐸᒋᒧᐨ ᐅᑐᓯᐱᐃᑲᐣ᙮ 

ᑕᓱ ᓂᐅᑭᓯᐢ ᐁᑭ ᑭᒋᐊᐣᒋᑯᓯᐊᐧᐨ ᒥᐁᐧ ᐱᑯ ᓂᓇᐃᐧᐣᐟ ᑲᑐᑕᒪᐠ ᑕᓱ ᓂᓱᑭᓯᐢ ᓂᐃᐧᑭᓯᐢ ᐊᐱᐣ ᐁᑭ ᐊᐣᒋᑯᓯᔭᐠ ᐸᑲᐣ ᐁᐃᓴᔭᐠ ᐃᐦᐃ ᑲᐅᒋᑐᑕᒪᐠ ᒋᒥᓄᔭᔭᐠ ᐃᐦᐃᐁ ᐊᐦᑭ ᑲᐃᓯᑕᔭᐠ ᐁᔭᐠ ᐁᑲ ᒋᓂᔓᓇᑕᐠ ᑫᑯᐣ᙮ ᒥᐁᐧ ᑲᐅᒋ ᐊᔭᒋᐡᑲᔭᐠ ᐯᑭᐡ ᒋᒥᓇᐧᓯᐠ ᓂᐱ ᑲᔦ ᒋᒥᓇᐧᓯᐠ ᒥᐁᐧ ᑲᐅᒋ ᐸᐸᒧᑯᓯᔭᐠ ᑲᔦ ᐁᑲ ᐯᓯᑯᐣ ᐁᑕᔭᐠ᙮ ᓄᐣᑯᒼ ᐊᓯᐣ ᑲᑐᒋᑲᑌᐠ ᒪᐊᐧᐨ ᐃᑯ ᒪᒉᐣᑕᑲᐧᐣ ᑲᐃᐧᐣ ᓇᐣᑕ ᑫᑯᐣ ᑫᐅᒋ ᒥᓄᔭᔭᐨ ᐊᓂᔑᓂᓂ ᐃᐡᑫ ᓇᐣᑕ ᐃᔑᐁᐧᐸᐠ ᓇᐣᑕ ᐁᑭ ᐊᐧᓂᐦᐊᐨ ᐅᓂᒐᓂᔕᐣ ᓇᐣᑕ ᑲᔦ ᐅᓇᐁᐧᒪᑲᓇᐣ ᑭᓴᑫᐃᑲᑌ ᐃᐁ ᓇᐣᑕ ᐊᐧᑲᐃᑲᐣ ᓇᐣᑕ ᑲᑕᓂᐊᐧᐠ᙮ ᑭᓴᑫᐃᑲᑌ ᑲᐃᐧᐣ ᐃᑲ ᒥᓇ ᐅᑕᔑᐣᒋᑲᑌᓯᓄᐣ ᑲᐃᐧᐣ ᐃᑲ ᐅᑎᓯᓂᑲᓱᐃᐧᐣ ᐊᐁᐧᑎ ᑲᑭᒪᒐᐨ ᒥᐁᐧ ᓂᓇᐃᐧᐣᐟ ᐁᑐᑕᒪᐠ ᒐᐅᒋᔭᐠ᙮