Les Anishinaabek menaient autrefois une vie nomade, se déplaçant d'un endroit à l'autre.  Les gens se déplaçaient tous les trois ou quatre mois pour reconstituer la terre, en suivant les oiseaux et les animaux en saison. Les animaux et les poissons sont des amis, ils se sacrifient pour nous fournir de la nourriture, des outils et des vêtements.  La terre nous fournit des outils qui nous permettent d'utiliser et de reconnaître les habitats et les points de repère de la nature. Le soleil est Manitou car il nous donne la vie. Nous respectons ceux qui ont vécu avant nous en ne mentionnant pas leur nom, mais en utilisant des pronoms pour reconnaître les êtres chers.

ᐁᑲᐧ ᐅᐁᐧ ᑲᐅᔑᐱᐃᑲᑌᐠ ᑲᒥᓱᓇᐱᐃᑲᑌᐠ ᐊᐁᐧᑎ ᑲᑭᐅᓯᐱᐊᐠ ᐅᓴᐊᐧᐱᑯᐱᓀᓯ ᐃᐦᐃ ᑲᐸᐸᒪᑯᓯᓇᓂᐊᐧᐠ᙮ ᐁᐧᐡᑲᐨ ᑭᐸᐸᒪᑯᓯᐊᐧᐠ ᐃᐊᐠ ᐊᓂᔑᓂᓂᐊᐧᐠ ᐊᐣᑕ ᐱᑯ ᑭᐸᐃᔕᐊᐧᐠ, ᑭᐸᐸᐃᐣᑕᐊᐧᐠ ᐃᒪ ᑲᐃᔑᑕᔑᑫᐊᐧᐨ᙮ ᐁᑲᐧ ᐃᐡᑫ ᓇᓂᑕ ᑭᒪᒋᑯᓯᐊᐧᐠ ᑭᐡᐱᐣ ᐊᐱᐣ ᑲᑕᑯᔑᓄᐊᐧᐨ ᔑᔑᐸᐠ ᑲᔦ ᑭᓄᓭᐠ ᑲᑕᑯᔑᓄᐊᐧᐨ ᒥᐦᐃᒪ ᐊᐸᐣ ᐁ ᐃᔕᓄᐊᐧᐠ ᒥᐃᒪᐸᐣ ᐁᐃᐣᑕᐤ ᐃᐧᓯᓂᐊᐧᐨ ᐁᑲᐧ ᒥᓇ ᑲᓂᐱᐣᐠ ᐃᐃᐠ ᑭᐃᔕᐊᐧᐠ ᓂᑭᑊ ᐃᔑᓂᑲᑌ ᓂᓇᐃᐧᐣᐟ ᑲᐃᔑᑕᔭᐠ ᒥᐃᒪ ᑲᐃᔕᐊᐧᐨ ᐁᑲᐧᓯᐨ ᐊᐦᐊ ᓇᒣ ᒥᐃᒪ ᒣᑲᐧᐨ ᐊᐱᐣ ᐃᔑ ᐸᐦᑭᑌᐃᐧᐊᐧᐨ᙮ ᑲᐃᐧᓂᐣ ᑫᑯᐣ ᑐᐣᒋ ᐃᐊᐠ ᐃᐦᐃ ᐊᓴᑊ ᓇᐣᑕ ᑲᔦ ᑲᐧᐡᑫᐧᐱᒋᑲᐣ ᑲᐃᐧᐣ ᑫᑯᐣ ᑐᒋ ᐊᔭᐠ᙮ ᐊᓂᔑᓂᓂᐊᐧᐠ ᓴᐱᑯ ᐅᑭ ᐅᓯᑐᓇᐊᐧ ᑫᑯᓂᓂ ᐁᐃᐧᔭᐸᒋᑐᐊᐧᐨ ᐃᐡᑫ ᐃᐁᐧ ᐃᐧᑲᐧᓯᒋᒪᐣ ᐊᓂᔑᓂᓂᐊᐧᐠ ᐱᑯ ᐅᑭᐅᓯᑐᓇᐊᐧ ᒋᐊᔭᐠ ᐅᐁᐧ ᐃᐧᑲᐧᓯᒋᒪᐣ ᐁᑲᐧ ᐁᓇᓇᐣᑕᐤ ᑭᓄᓭᐊᐧᐨ ᑲᐃᓂᐣ ᐃᑯ ᒥᓇ ᑭ ᐊᓴᑊ ᐅᒋᐊᓯᐣ ᓄᐣᑯᒼ ᑕᐃᐧᐣ ᑲᐃᓯᓇᑲᐧᑭᐣ ᑫᑯᓇᐣ᙮ ᑲᐃᐧᐣ ᑐᐣᒋ ᐃᔑᓇᑲᐧᐠ ᐃᐁᐧ ᐁᑲᐧ ᒧᓴᐠ ᑭᐊᐦᐯᓂᒧᐊᐧᐠ ᐅᑐᑌᒥᐊᐧᐣ ᐊᔭᐣ ᒪᐦᑲᐧᐣ ᓇᐣᑕ ᑲᔦ ᑲᐸᐸᒥᓭᐊᐧᐨ ᐊᐃᔭᐧᐠ ᑲᐱᒥᑯᒋᓂᐊᐧᐨ ᔑᔑᐸᐠ ᓇᐣᑕ ᑲᔦ ᑲᑲᑭᐊᐧᐠ᙮ ᒥᐊᐁᐧᓂᐊᐧᐣ ᑲᐱᓂᔓᐦᐊᐊᐧᐨ ᑲᐊᔓᐊᐧᐱᒪᐊᐧᐨ ᒋᐅᒋ ᑭᑭᓄᐦᐊᒪᑯᐊᐧᐨ ᐊᐣᑎ ᑫᐃᓴᐊᐧᐨ ᐁᑲᐧ ᒥᑕᐢ ᐱᑯ ᑲᐃᓯ ᐸᐸᒥᑯᓯᓇᓂᐊᐧᐠ ᐃᐧᒋᐧᐊᐧᑲᓇᐣ ᓇᐣᑕ ᐁᐃᐧᒋᐊᐧᐨ ᓇᐣᑕ ᑲᔦ ᐅᒋᒐᓂᔕᐣ ᐁᐃᐧᒋᐊᐧᐨ᙮  ᐊᐣᑕ ᐱᑯ ᑭᐸᐸᐃᔑᑯᓯᓇᓂᐊᐧᐣ᙮ ᑲᐃᐧᓂᐣ ᐱᑯ ᐯᔓᐨ ᒥᓇ ᓇᐣᑕ ᐁᐡᑲᒼ ᓂᓴᐧ ᑭᓂᐸᓂᐊᐧᐣ ᒥᓂᑯᐠ ᑫᑕᑯᓯᓇᓂᐊᐧᐠ ᑲᐃᓴᓂᐊᐧᐠ ᐁᑲᐧ ᒥᓇ ᒋᑲᑫᐣᑕᒥᐠ ᑲᐃᐧᓂᐣ ᑫᑯᐣ ᑕᑲᓯᒋᑲᐣ ᑭᐅᒋᔭᓯᓄᐣ ᐁᑲᐧ ᑭᐸᓯᒣᓇᓂᐊᐧᐣ ᑭᐸᓯᒣᐊᐧᐠ ᓇᐣᑕ ᑭᓄᓭᐣ ᐁᐸᓯᒣᐊᐧᐨ ᓇᐣᑕ ᐁᑲᐢᑯᓴᐊᐧᐨ ᐁᑲᐧᐸᐣ ᐁᐸᑌᐤᓯᐨ ᒥᐁᐧ ᑯᓀᐡ ᐱᒥ ᐊᐱᒋᐊᑲᓄᐃᐧᐨ ᐁᒪᐧᑲᓂᐃᐧᐨ ᐁᑲ ᑲᐅᓴᐊᐧᐱᓯᐣᐨ ᒥᐁᐧ ᑲᑐᑕᒧᐊᐧᐨ ᐊᓂᔑᓂᓂᐊᐧᐠ ᐁᐧᐡᑲᐨ ᐊᒥᐁᐧ ᑲᑎᐸᒋᒧᐨ ᐅᑐᓯᐱᐃᑲᐣ᙮ 

ᑕᓱ ᓂᐅᑭᓯᐢ ᐁᑭ ᑭᒋᐊᐣᒋᑯᓯᐊᐧᐨ ᒥᐁᐧ ᐱᑯ ᓂᓇᐃᐧᐣᐟ ᑲᑐᑕᒪᐠ ᑕᓱ ᓂᓱᑭᓯᐢ ᓂᐃᐧᑭᓯᐢ ᐊᐱᐣ ᐁᑭ ᐊᐣᒋᑯᓯᔭᐠ ᐸᑲᐣ ᐁᐃᓴᔭᐠ ᐃᐦᐃ ᑲᐅᒋᑐᑕᒪᐠ ᒋᒥᓄᔭᔭᐠ ᐃᐦᐃᐁ ᐊᐦᑭ ᑲᐃᓯᑕᔭᐠ ᐁᔭᐠ ᐁᑲ ᒋᓂᔓᓇᑕᐠ ᑫᑯᐣ᙮ ᒥᐁᐧ ᑲᐅᒋ ᐊᔭᒋᐡᑲᔭᐠ ᐯᑭᐡ ᒋᒥᓇᐧᓯᐠ ᓂᐱ ᑲᔦ ᒋᒥᓇᐧᓯᐠ ᒥᐁᐧ ᑲᐅᒋ ᐸᐸᒧᑯᓯᔭᐠ ᑲᔦ ᐁᑲ ᐯᓯᑯᐣ ᐁᑕᔭᐠ᙮ ᓄᐣᑯᒼ ᐊᓯᐣ ᑲᑐᒋᑲᑌᐠ ᒪᐊᐧᐨ ᐃᑯ ᒪᒉᐣᑕᑲᐧᐣ ᑲᐃᐧᐣ ᓇᐣᑕ ᑫᑯᐣ ᑫᐅᒋ ᒥᓄᔭᔭᐨ ᐊᓂᔑᓂᓂ ᐃᐡᑫ ᓇᐣᑕ ᐃᔑᐁᐧᐸᐠ ᓇᐣᑕ ᐁᑭ ᐊᐧᓂᐦᐊᐨ ᐅᓂᒐᓂᔕᐣ ᓇᐣᑕ ᑲᔦ ᐅᓇᐁᐧᒪᑲᓇᐣ ᑭᓴᑫᐃᑲᑌ ᐃᐁ ᓇᐣᑕ ᐊᐧᑲᐃᑲᐣ ᓇᐣᑕ ᑲᑕᓂᐊᐧᐠ᙮ ᑭᓴᑫᐃᑲᑌ ᑲᐃᐧᐣ ᐃᑲ ᒥᓇ ᐅᑕᔑᐣᒋᑲᑌᓯᓄᐣ ᑲᐃᐧᐣ ᐃᑲ ᐅᑎᓯᓂᑲᓱᐃᐧᐣ ᐊᐁᐧᑎ ᑲᑭᒪᒐᐨ ᒥᐁᐧ ᓂᓇᐃᐧᐣᐟ ᐁᑐᑕᒪᐠ ᒐᐅᒋᔭᐠ᙮